غالبا من المتوقع ان شاب لسه بيبنى حياته المهنية مش هيكون عنده رفاهية امتلاك بيت نظرا للتكاليف الكبيرة المقدمة لشراء منزل، لكن تفتكر ان الإيجار تكلفته أقل!؟
عشان تقدر تقرر ايه الافضل ليك لازم تعرف التكاليف المرتبطة بكل من شراء المنزل أو إيجاره.
تكاليف شراء منزل
التكاليف الأولية والمقدم : متمثلة فى المقدم والضرايب العقارية والمقدم بيكون أكبر مبلغ بتدفعه فى حالة التقسيط.
التكاليف الدورية: متمثلة فى الاقساط الشهرية، الصيانة الدورية والخدمات للعقار زى الكهرباء والسباكة والمياه والغاز. وتكاليف الصيانة والمرافق والخدمات مش هتكون مضيعة لفلوسك لان فى الآخر البيت هيكون ملكك فا تقدر تستلمه فى حالة جيدة.
تكاليف يتم دفعها مرة واحدة : زى التشطيب وتكاليف النقل، الإصلاحات، التحسينات والتجديد. ومفيش داعى تقلق انت بتصرف قد إيه وانت بتشطب البيت لانك تضيف له قيمة.
تكاليف الإيجار
التكالف الأولية : زى انك بتدفع إيجار شهر مقدم، مبلغ تأمينى، تكاليف نقل الأثاث لمل بتنقل للبيت ومرة تانية لما بتمشى وتنقل لمكان تانى، تكاليف الإصلاحات وتغيير فى التشطيبات لو عايز مثلا تغير دهان البيت وغيره وبكده انت بتخسر الفلوس دى وقت مابتسيب البيت ده وتنتقل لغيره.
التكاليف الدورية : متمثلة فى تكاليف الإيجار الشهرية، تكاليف المرافق والخدمات، تكاليف لأى أضرار ممكن تحصل فى البيت وزيادة سنوية فى الإيجار الشهرى.
انك تدفع ايجار شهرى للبيت ده أكتر شئ مزعج للمستأجرين خصوصاً انها بتكون تكاليف مهدرة وخسارة إالى أجل غير مسمى! على عكس تكاليف الأقساط فانت بتدفعها خلال فترة معينة وبعد كده ستتلاشى وقت حصولك على المنزل اللى هتستمته بملكيته مدى الحياة.
بالنسبة للإيجار ليس هناك تكلفة يتم دفعها مرة واحدة فقط.